མཚོ་ནུབ་ཁུལ་མི་དམངས་སྲིད་གཞུང་གིས་ཁྱེད་ལ་དགའ་བསུ་ཞུ། རྒྱ་ཡིག་པར་མ།  |  སོག་ཡིག་པར་མ།
 
གསར་འགྱུར་མེ་ལོང་།
 

མི་རིགས་མཐུན་སྒྲིལ་གྱི་མེ་ཏོག་ཐེམ་ཆེན་རྩྭ་ཐང་དུ་བཞད།

ཡོང་ཁུངས།:མཚོ་ནུབ་བོད་སྐད་རྒྱང་སྒྲོག་བརྙ  སྤེལ་དུས།:2017-08-30  རྩོམ་པ་པོ།:མཚོ་ནུབ་བོད་སྐད་རྒྱང་སྒྲོག་བརྙན་འཕྲིན་ཁང་།  རྩོམ་སྒྲིག་པ།:པད་མ་རིག་འཛིན།    ཀློགས་གྲངས།:

    ཐེམ་ཆེན་རྫོང་ནི་ཚྭ་འདམ་གསེར་གཞོང་རིང་མོའི་ཤར་རྒྱུད་ན་གནས་ལ།ཤར་ཕྱོགས་ན་མཚོ་བྱང་ཁུལ་མདོ་ལ་རྫོང་དང་རྐང་ཚ་རྫོང་།  ལྷོ་ན་མཚོ་ལྷོ་ཁུལ་གསེར་ཆེན་རྫོང་དང་མཚོ་ནུབ་ཁུལ་དབུས་ལམ་རྫོང་བཅས་ཡོད།མཚོ་ནུབ་ཁུལ་གྱི་ཤར་སྒོ་ཆེན་མོ་སྟེ། ཚྭ་འདམ་གཞོང་དང་བོད་རང་སྐྱོང་ལྗོངས་དང་ཞིང་ཅང་ཡུ་གར་རིགས་རང་སྐྱོང་ལྗོངས་དང་ཀན་སུའུ་ཞིང་ཆེན་སོགས་སུ་སྐྱོད་པའི་བགྲོད་ལམ་གལ་ཆེན་ཡིན་པས།འགྲིམ་འགྲུལ་ཧ་ཅང་སྟབས་བདེ་ཞིང་། རྫོང་སྲིད་གཞུང་སྡོད་གནས་ཤེས་ཡོན་གྲོང་རྡལ་ཡིན།

ཐེམ་ཆེན་རྫོང་ནི་བོད་རིགས་གཙོ་བོ་བྱས་པའི་གྲངས་ཉུང་མི་རིགས་འདུས་སྡོད་བྱས་ཡོད་པའི་རྫོང་ཞིག་ཡིན་ལ།གྲངས་ཉུང་མི་རིགས་ཀྱི་མི་གྲངས་18504ཡོད།དེས་རྫོང་ཡོངས་ཀྱི་མི་རིགས་ཀྱི་བརྒྱ་ཆའི་82.02ཟིན། སྤྱིའི་མི་གྲངས་ཀྱི་བརྒྱ་ཆའི་14.8ཟིན།  སོག་རིགས་དང་ཧེ་རིགས།  ཟ་ལར་རིགས་སོགས་ཀྱི་མི་རིགས་ཀྱི་སྤྱིའི་མི་གྲངས་ཀྱི་བརྒྱ་ཆའི་3.18ཟིན།རྫོང་ཡོངས་ལ་བོད་བརྒྱུད་ནང་བསྟན་དགོན་པ་དགུ་དང་ཁ་ཆེའི་དགོན་པ་གཅིག་ཡོད།

2013ལོར་ཞིང་ཆེན་ཡོངས་ཀྱི་ས་ཁུལ་གསུམ་འཛུགས་སྐྲུན་བྱེད་པ་ཇུས་འགོད་བྱས་པ་ནས་བཟུང་།ཐེམ་ཆེན་རྫོང་གིས་བོད་མི་རིགས་གཙོ་བྱས་པའི་བོད་བརྒྱུད་ནང་བསྟན་ལ་དད་པ་དང་།  ཕྱུགས་ལས་གཙོ་གཉེར་བའི་ཁྱད་ཆོས་དང་ཟུང་འབྲེལ་བྱས་ཏེ།མི་རིགས་མང་པོ་མཉམ་འདུས་དང་དཔལ་འབྱོར་འཕེལ་རྒྱས་ཀྱི་དོན་དངོས་ལ་དམིགས་ནས་མི་རིགས་མཐུན་སྒྲིལ་གྱི་བྱ་བར་བཀོད་སྒྲིག་དང་ཇུས་འགོད་ལེགས་པོ་བྱས།

ཐེམ་ཆེན་རྫོང་གི་སྔོན་ལ་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་སྔོན་ཐོན་ཁུལ་དང་རྫོང་གསར་སྐྲུན་བྱེད་པའི་བྱ་བ་སྤེལ་ནས།སྔར་ལས་ལྷག་པའི་སྒོ་ནས་མི་རིགས་མཐུན་སྒྲིལ་ཡར་ཐོན་ལས་དོན་ལ་སྐུལ་འདེད་བྱས་ཏེ།མི་རིགས་བྱ་བའི་ཐབས་ཇུས་རང་བཞིན་དང་།  རྨང་གཞི་རང་བཞིན།རྒྱུན་མཐུད་རང་བཞིན་ཅན་གྱི་ཡིག་གྲངས་ས་ཡ་གསུམ་འབུམ་དྲུག་ལ་སླེབས་པའི་ཡིག་ཚགས་སྒྲུབ་ནས། གོ་རིམ་ཡོད་པ་དང་ཚན་རིག་ལྡན་པའི་སྒོ་ནས་རྫོང་ཡོངས་ཀྱི་བརྟན་འཇགས་སྲུང་སྐྱོབ་ཀྱི་འཕེལ་རིམ་དང་རིགས་སོ་སོའི་མང་ཚོགས་ལ་བདེ་སྐྱིད་སྐྲུན་པར་མིག་མཐོང་ལག་ཟིན་གྱི་གྲུབ་འབྲས་བསྣན།

བརྟན་འཇགས་སྲུང་སྐྱོབ་དང་མི་རིགས་མང་ཚོགས་ཀྱི་ཁེ་ཕན་ཇེ་མཐོར་གཏོང་བ་དེ་བྱ་བ་ཡོད་ཚད་ཀྱི་རྐང་འཛུགས་ས་དང་གཞི་འཛིན་ས་བྱས་ནས། དམངས་ཚིས་འགན་སྲུང་ཕྱོགས་ལ་བསྟུད་མར་ལོ་ལྔ་ལ་ས་གནས་ནོར་སྲིད་ཀྱིས་འགྲོ་སོང་བཏང་ཚད་བརྒྱ་ཆའི་75འི་ཡན་ལ་སླེབས་པ་དང་།བསྡོམས་པས་དམངས་ཚིས་འགྲོ་སྒོ་སྒོར་ཐེར་འབུམ་གཉིས་དང་དུང་ཕྱུར་གཉིས་བྱེ་བ་ལྔ་ས་ཡ་བརྒྱད་བཏང་བ་དང་།ལོ་རེའི་དམངས་ལ་དོན་བཟང་བཅུ་བསྒྲུབ་པ་ཚང་མ་ལེགས་འགྲུབ་བྱུང་། 2011ལོ་ནས་2016ལོའི་བར།འབྲོག་ཁུལ་གྱི་རྨང་གཞི་འཛུགས་སྐྲུན་ལས་གཞི་དང་སྡེ་བ་ཡོངས་དབུལ་སྐྱོར་སྐུལ་འདེད་ལས་གཞི།ཐོན་ལས་དབུལ་སྐྱོར་ལས་གཞི། སྤྱི་ཚོགས་རོགས་སྐྱོར་ལས་གཞི་སོགས་དམ་འཛིན་བྱས་ཏེ།ཕྱོགས་སོ་སོ་ནས་མ་དངུལ་སྒོར་བྱེ་བ་དགུ་ས་ཡ་ལྔ་འབུམ་བདུན་ཁྲི་གསུམ་བཏང་ནས་དབུལ་ཕོངས་མི་གྲངས་4300བདེ་བླག་ངང་དབུལ་ཕོངས་ལས་ཐར་བྱས་ནས་རིགས་སོ་སོའི་མང་ཚོགས་ཀྱིས་མཉམ་དུ་བཅོས་བསྒྱུར་འཕེལ་རྒྱས་ཀྱི་ཕན་འབྲས་ལོངས་སུ་སྤྱོད་ཐུབ་པ་བྱས།

ཞང་དང་གྲོང་རྡལ་ནས་ངེས་པ་དོན་གྱི་མི་རིགས་བྱ་བ་གཙོ་བོ་ནང་གི་འགངས་ཆེན་ཞིག་ཏུ་བཞག་ནས།མི་རིགས་མཐུན་སྒྲིལ་གསར་སྐྲུན་བྱ་བ་དེ་ཞང་དང་གྲོང་རྡལ་གྱི་ལྟ་སྐུལ་བྱེད་པའི་ནང་དོན་ནང་བཞག་ནས། ཚན་རིག་འཕེལ་རྒྱས་དང་དམངས་ཚིས་ལེགས་བཅོས།འགལ་བ་ཞི་ལྷོད་དུ་བཏང་ནས་མི་རིགས་སྲོལ་རྒྱུན་རིག་གནས་འཕེལ་རྒྱས་དང་སྲུང་སྐྱོབ།དྲིལ་སྒྲོག་ཉིན་མོའི་བྱ་འགུལ་རབ་དང་རིམ་པ་སྤེལ་བས་མི་རིགས་སྔོན་ཐོན་གྱི་ཐུན་མོ་དང་མི་སྒེར་སྐོར་ཞིག་བདམས་ཐོན་བྱུང་།

བཅར་ལན། གཡང་ཁེངས་ཞང་གི་ཧྲུའུ་ཅི་གཞོན་པ། གཡང་སྐྱབས་རྒྱལ།  

དགོན་པ་ནས་རྒྱལ་གཅེས་ཆོས་གཅེས་ཀྱི་སློབ་གསོ་དང་བཅའ་ཁྲིམས་དང་ཁྲིམས་ལུགས་ལ་བརྩི་སྲུང་བྱེད་པའི་དྲིལ་སྒྲོག་བྱ་འགུལ་སྤེལ་བས་དད་ལྡན་མང་ཚོགས་ཀྱི་ཁྲིམས་སྲུང་བ་དང་ཁྲིམས་ཤེས་པ། མི་རིགས་མཐུན་སྒྲིལ་བརྟན་འཇགས་ལ་སྲུང་སྐྱོབ་བྱེད་པའི་རང་འགུལ་རང་བཞིན་ཇེ་མཐོར་བཏང་ནས།དགོན་པའི་དོ་དམ་མི་སྣས་ནུས་པ་འདོན་སྤེལ་གང་ལེགས་བྱས་ཏེ། དགོན་པའི་ཆོ་ག་ཚད་དང་ལྡན་པའི་སྒོ་ནས་སྤེལ་བས། 2016ལོའི་ཟླ་བརྒྱད་པར་ཐེམ་ཆེན་རྫོང་གིས་ལོ་70རིང་ཐོག་དང་པོ་དུས་འཁོར་ཆེན་མོའི་དབང་ལུང་བདེ་བླག་ངང་གསུངས་པ་ལེགས་འགྲུབ་བྱུང་།དགོན་པའི་དོ་དམ་ཡང་བསྟུད་མར་ཚད་ལྡན་ཅན་དང་ལམ་ལུགས་ཅན།སྤྱི་ཚོགས་ཅན་གྱི་ཕྱོགས་སུ་བསྐྱོད་བཞིན་ཡོད། སེང་མོ་དགོན་པ་ལ་མཚོན་ན་2010ལོ་ནས་2012ལོའི་བར་བསྟུན་མར་མཚོ་ནུབ་ཁུལ་གྱི་བདེ་འཇགས་དགོན་པར་བདམས་པ་དང་།2013ལོར་ཐེམ་ཆེན་རྫོང་གི་བདེ་འཇགས་དགོན་པ་བདམས།2014ལོར་མཚོ་སྔོན་ཞིང་ཆེན་གྱི་བདེ་འཇགས་དགོན་པའི་རྗེས་འདེམ་དགོན་པར་ཡར་ཞུ་བྱས་པ་དང་།2015ལོར་སེང་མོ་དགོན་པའི་དོ་དམ་ཀྲུའུ་རིན་ཧཱུྃ་ནག་རྡོ་རྗེ་མེ་འབར་ལ་མཚོ་སྔོན་ཞིང་ཆེན་གྱི་སྔོན་ཐོན་གྲྭ་བཙུན་དང་།ཐེམ་ཆེན་རྫོང་གི་སྔོན་ཐོན་གྲྭ་བཙུན།2014ལོ་ནས་2015ལོར་བསྟུན་མར་ལོ་གཉིས་ལ་ཐེམ་ཆེན་རྫོང་གི་དགོན་པའི་སྔོན་ཐོན་མཛུབ་སྟོན་པ་ལ་བདམས།

བཅར་ལན།          སེང་མོ་དགོན་པའི་ཀྲུའུ་རིན།   ཧཱུྃ་ནག་རྡོ་རྗེ་མེ་འབར།  

སྡེ་བ་རེ་རེ་ནས་གསར་སྐྲུན་བྱ་འགུལ་སྤེལ་བར་ཏང་ཡོན་ལས་བྱེད་རྩ་འཛུགས་དང་།མི་རིགས་སྲོལ་རྒྱུན་དུས་ཆེན།  མི་རིགས་ལུས་རྩལ་བྱ་འགུལ་དང་འབྲོག་པའི་འཚོ་བ་ཕུན་སུམ་ཇེ་ཚོགས་སུ་གཏོང་བ་སོགས་བྱ་འགུལ་སྤེལ་ནས་དམངས་ལ་མི་རིགས་མཐུན་སྒྲིལ་གྱི་སྲིད་ཇུས་དང་གལ་ཆེན་རང་བཞིན་དྲིལ་སྒྲོག་བྱས་པ་ཡིན།བྲག་དམར་ཞང་ཅ་རྒྱས་སྡེ་བའི་ཏང་ཀྲི་པུའུ་ཧྲུའུ་ཅི་རྟ་ཕྱུག་དང་འདྲ་བར་སྡེ་བ་ཡོངས་ཀྱི་ཏང་ཡོན་ལས་བྱེད་ཁྲོད་མིག་དཔེ་ལྟ་བུ་ནུས་པ་ཐོན་ནས་མི་རིགས་མཐུན་སྒྲིལ་གྱི་བྱ་བ་ལེགས་པོར་སྤེལ་བས། ཞང་ཡོངས་ཀྱི་མི་རིགས་མཐུན་སྒྲིལ་བྱ་བར་བྱས་རྗེས་བཞག་ཡོད།

བཅར་ལན།       བྲག་དམར་ཞང་ཀྱ་གྱུས་སྡེ་བའི་ཏང་ཀྲི་པུའུ་ཧྲུའུ་ཅི། རྟ་ཕྱུག  

རྫོང་ཡོངས་ཀྱི་ཞང་དང་གྲོང་རྡལ་ཡོངས་སུ་མི་རིགས་མཐུན་སྒྲིལ་གསར་སྐྲུན་བྱ་བ་ཁྱིམ་ཚང་ནང་སྐྱེལ་པའི་བཀོད་སྒྲིག་ལྟར།ཁྱིམ་ཚང་རེ་རེ་ལ་སོང་ནས་ཏང་གི་མི་རིགས་མཐུན་སྒྲིལ་དང་ཀུན་སྤྱོད་བཟང་བོ་དར་སྤེལ་བྱེད་པ།མི་དང་མིའི་བར་ལ་མཐུན་སྒྲིལ་དང་འཆམ་མཐུན་གྱིས་འབྲེལ་འདྲིས་བྱེད་པའི་སྲོལ་བཟང་དྲིལ་སྒྲོག་བྱས་པས་རྫོང་ཡོངས་ནས་བསྡོམས་པས་སྐར་ལྔ་རིམ་པའི་ཡ་རབས་ཁྱིམ་ཚང་856བདམས་ཐོན་བྱུང་ལ།ཁྱིམ་ཚང་དང་ཁྱིམ་ཚང་མཐུན་པོ་དང་འཆམ་པའི་སྒྲིག་མཐུན་གྱི་རྣམ་པ་ཞིག་བསྐྲུན་ཡོད།

བཅར་ལན།   བྲག་དམར་ཞང་རྟ་རྣ་སྡེ་བའི་སྡེ་མི་རྡོ་རྗེ་རིན་ཆེན།

ཐེམ་ཆེན་རྫོང་གིས་མི་རིགས་སྔོན་ཐོན་ཡར་ཐོན་སྔོན་ཁུལ་དང་རྫོང་གསར་སྐྲུན་བྱེད་པའི་བྱ་བའི་ཁྲོད།དམིགས་ཚད་དུ་སླེབས་ཟིན་པའི་སྡེ་བ་དང་སྡོད་ཁུལ། ཞང་དང་གྲོང་རྡལ། སློབ་གྲྭ  དགོན་པ།སྡེ་ཁག་དང་ཁེ་ལས་དོན་ལས་ལས་ཁུངས་ལ་སྒོ་བྱང་འགེལ་བ་དང་།  རྫོང་ཡོངས་ཀྱི་ཁུལ་རིམ་པ་14དང་རྫོང་རིམ་པ་8གྱི་དཔེ་སྟོན་ཁུལ་གསར་སྐྲུན་བྱས་ཏེ།དཔེ་སྟོན་ཁུལ་གྱི་ཉམས་མྱོང་དང་ཁྱད་ཆོས་སྤྱི་སྡོམ་བྱས་ནས།མུ་མཐུད་དུ་རྒྱལ་ཡོངས་མི་རིགས་མཐུན་སྒྲིལ་སྔོན་ཐོན་ཁུལ་དང་སྔོན་ཐོན་རྫོང་གསར་སྐྲུན་བྱེད་པར་ལྟ་སྐུལ་མཛུབ་སྟོན་བྱེད་པའི་ཤུགས་ཚད་ཇེ་རུ་བཏང་ཐོག  མི་འདང་ས་ཁ་གསབ་བྱས་ཏེ།  ཁུལ་དང་ཞིང་ཆེན།  རྒྱལ་ཁབ་ཀྱི་ཞིབ་བཤེར་བྱེད་པར་སྔོན་བསུ་བྱེད་བཞིན་ཡོད།

ཐེམ་ཆེན་རྫོང་མི་རིགས་མཐུན་སྒྲིལ་ཡར་ཐོན་སྔོན་ཐོན་གསར་སྐྲུན་གཞུང་སྒྲུབ་ཁང་གི་ཀྲུའུ་རིན།  དཔའ་ཡོན་ཧྲིན།  

གོང་མ།:མི་རིགས་འདྲ་མཉམ་རྒྱུན་འཁྱོངས་བྱེད་པ་ནི་མི་རིགས་མཐུན་སྒྲིལ་སྲུང་སྐྱོང་བྱེད་པའི་རྨང་གཞི་ཟེར་དགོས་དོན་ཅི།

ཞོལ་མ།:རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་ཀྲུའུ་རིན་པཱ་ཐེར་གྱིས་རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་ཨུ་ཡོན་ལས་ཁུངས་ཀྱི་མཉམ་འབྲེལ་རྟོག་ཞིབ་ཚན་ཆུང་ཁྲིད་དེ་མཚོ་སྔོན་ལ་རྟོག་ཞིབ་བྱས།

分享到: 更多
copyright@2007 www.haixi.gov.cn All Rights Reserved
པར་དབང་ཡོད་ཚད:མཚོ་ནུབ་ཁུལ་མི་དམངས་སྲིད་གཞུང་མི་རིགས་སྐད་ཡིག་གཞུང་སྒྲུབ་ཁང་། ཁ་པར: 0977- 8226091
ལག་རྩལ་སྲུང་སྐྱོང: མཚོ་ནུབ་ཁུལ་མི་དམངས་སྲིད་གཞུང་གློག་རྡུལ་སྲིད་དོན་ལག་རྩལ་ལྟེ་གནས། ཡིག་སྒམ: cdmzw2011@163.com
ICP 05001235