མཚོ་ནུབ་ཁུལ་མི་དམངས་སྲིད་གཞུང་གིས་ཁྱེད་ལ་དགའ་བསུ་ཞུ། རྒྱ་ཡིག་པར་ངོས།  |  སོག་ཡིག་པར་ངོས།
 
གསར་འགྱུར་མེ་ལོང་།
 

ཀྲུང་གོའི་གནམ་དཔྱད་རིག་པའི་སློབ་ཚོགས2019ལོའི་རིག་གཞུང་ལོ་ཚོགས་རང་ཁུལ་དུ་བསྡུས།

ཡོང་ཁུངས།:མཚོ་ནུབ་བརྙན་འཕྲིན་ཁང་།  སྤེལ་དུས།:2019-09-11  རྩོམ་པ་པོ།:  རྩོམ་སྒྲིག་པ།:གཡུང་དྲུང་ཚེ་རིང་།    ཀློགས་གྲངས།:

   ཉེ་ཆར།ཀྲུང་གོའི་གནམ་དཔྱད་རིག་པའི་སློབ་ཚོགས་ཀྱིས་གཙོ་སྒྲུབ་བྱས་ཤིང་།མཚོ་ནུབ་ཁུལ་སྲིད་གཞུང་དང་མཚོ་སྔོན་ཞིང་ཆེན་ཚན་རྩལ་ཐིན།མཚོ་སྔོན་ཞིང་ཆེན་ཚན་རྩལ་མཐུན་ཚོགས། ཀྲུང་གོའི་ཚན་རིག་གླིང་ཙི་ཅིན་ཧྲན་གནམ་དཔྱད་ཁང་གིས་འགན་སྒྲུབ་བྱས་པའི་ཀྲུང་གོའི་གནམ་དཔྱད་རིག་པའི་སློབ་ཚོགས2019ལོའི་རིག་གཞུང་ལོ་ཚོགས་གཏེར་ལེན་ཁ་རུ་བསྡུས།རྒྱལ་ཡོངས་ས་གནས་སོ་སོའི་གནམ་དཔྱད་ཚན་ཞིབ་ལས་ཁུངས་ཀྱི་ཆེད་མཁས་པ་རྣམས་མཚོ་ནུབ་ཏུ་ལྷན་འཛོམས་བྱུང་ནས།ཚན་རིག་ཞིབ་འཇུག་གི་གྲུབ་འབྲས་གསར་བར་བགྲོ་གླེང་བྱས་ཤིང་།རང་རྒྱལ་གྱི་གནམ་དཔྱད་རིག་པའི་འཚོལ་ཞིབ་འཕེལ་རྒྱས་ཀྱི་ཁ་ཕྱོགས་ཐད་ནས་བགྲོ་གླེང་བྱས།

རྒྱལ་ཁབ་རང་བྱུང་ཚན་རིག་ཐེབས་རྩ་ཨུ་ཡོན་ལྷན་ཁང་གི་གྲངས་རིག་པ་སྡེ་ཁག་གི་རྒྱུན་ལས་ཀྲུའུ་རིན་གཞོན་པ་ཏུང་གོ་ཞོན་ཚོགས་འདུར་ཞུགས་ཤིང་།ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་མེང་ཧའེ་ཡིས་ཤིས་ཚིག་ཕུལ། ཀྲུང་གོའི་གནམ་དཔྱད་སློབ་ཚོགས་ཀྱི་དྲུང་ཡིག་ཆེན་མོ་ཀྲིག་ཅིས་ལིན་གྱིས་གོ་རྩོམ་མཛད་སྒོར་མདོ་འཛིན་བྱས།  

   མགོ་རྩོམ་མཛད་སྒོའི་སྟེང་།ཀྲུང་གོའི་ཚན་རིག་གླིང་ཙི་ཅིན་ཧྲན་གནམ་དཔྱད་ཁང་གི་ཞིབ་འཇུག་པ་ཀའོ་ཅན་ཧྭ་དང་ནན་ཅིན་སློབ་ཆེན་གྱི་དགེ་རྒན་ཆེན་མོ་གཞོན་པ་ཞའེ་ཅིས་བའེ་གཉིས་ལ་ཀྲུང་གོའི་གནམ་དཔྱད་སློབ་ཚོགས་སྐབས་བདུན་པའི་གཟེངས་རྟགས་བྱ་དགའ་ཐོབ་ཅིང་།ཡུན་ནན་གནམ་དཔྱད་ཁང་གི་ཞིབ་འཇུག་པ་ལིས་ཡན་ལ་ཀྲུང་གོའི་གནམ་དཔྱད་སློབ་ཚོགས་སྐབས་བདུན་པའི་སྐར་མའི་གོ་ལའི་རྨང་གཞི་ཞིབ་འཇུག་གི་གཟེངས་རྟགས་བྱ་དགའ་ཐོབ།  

   མེང་ཧའེ་ཡིས་ཤིས་ཚིག་ཁྲོད་མཚོ་ནུབ་ཁུལ་ནི་ཐེངས་འདིའི་གནམ་དཔྱད་ལོ་ཚོགས་ཀྱི་གཙོ་འགན་པ་དང་གནམ་དཔྱད་ལོ་ཚོགས་བསྡུས་པའི་ས་ཆ་ཡིན་པའི་ཆ་ནས།གནམ་དཔྱད་རིག་པ་ལ་འབྲེལ་ལམ་བྲལ་ཐབས་མེད་པ་རེད།ཉེ་བའི་ལོ་འགའི་ཚུན་ལ། མཚོ་ནུབ་ཁུལ་གྱིས་ཁྱད་འཕགས་ཀྱི་ས་བབ་དང་ཁྱད་འཕགས་ཀྱི་སྐར་ཚོགས་ལ་བརྟག་པར་འོས་པའི་རང་བྱུང་ཐོན་ཁུངས་ཀྱི་གནས་བབ་ལེགས་པོ་ལ་བརྟེན་ནས།གནམ་དཔྱད་རིག་པ་བ་དང་ཚན་ཞིབ་ལས་ཁུངས་མང་པོ་གནས་འདིར་ཐོན་ཞིང་། ཀྲུང་གོའི་ཚན་རིག་གླིང་ཙི་ཅིན་ཧྲན་གནམ་དཔྱད་ཁང་དང་།གཏེར་ལེན་ཁ་གནམ་དཔྱད་ཁྱབ་གདལ་ཁང་། ཚྭ་འདམ་ཆེ་བ་ས་ཁུལ་གྱི་སྐར་མ་མིག་དམར་སྒར་ས། ལིན་ཧུའུ་ས་ཁུལ་གྱི་གློག་འོད་རིབ་མ་དང་སྨུག་ཕྱིའི་འོད་ཀྱི་ཚད་ལེན་མ་ལག་སོགས་རྒྱང་ཤེལ་ལས་གཞི་རྣམ་གྲངས་དངོས་འབེབས་བྱུང་ཡོད་ལ།ཡུས་ཁི་འཇིག་རྟེན་འཕུར་གྲུ་རང་བདག་གསར་སྤེལ་ཀུང་ཟིས་ཐོག་མར་ཕྱིར་སྡུད་མེ་ཤུགས་འཕུར་མདའ་ཚོད་ལྟ་ལིན་ཧུའུ་རུ་ལེགས་འགྲུབ་བྱུང་བ་བཅས་ཀྱིས་མཚོ་ནུབ་ཀྱི་གནམ་དཔྱད་ཚན་རྩལ་འཐབ་ཇུས་ལ་སྔར་ལས་སྐུལ་འདེད་བྱས་ནས།ཁུལ་ཡོངས་ཀྱི་ཚན་རྩལ་གསར་སྤེལ་བྱ་བར་སྐུལ་ཁྲིད་བྱས་ཤིང་། གནམ་དཔྱད་ཚན་རྩལ་ཁྱབ་གདལ་དང་ས་གཤིས་གནས་སྐོར་སོགས་ཁྱད་ལྡན་ཐོན་ལས་གསོ་སྤེལ་འཕེལ་རྒྱས་སུ་བཏང་སྟེ།ཁུལ་ཡོངས་ཀྱི་དཔལ་འབྱོར་འཕེལ་འགྱུར་ལ་གོ་སྐབས་ཆེན་པོ་བསྐྲུན་དགོས་པ་བསྟན།  

   ཐེངས་འདིའི་རིག་གཞུང་ལོ་ཚོགས་ཀྱིས་ཁྱབ་ཁོངས་གཙོ་བོ་དང་གནམ་དཔྱད་རིག་པའི་རིག་གཞུང་བརྗེ་རེས་ལ་སྐུལ་འདེད་དང་ཚན་རྩལ་གསར་སྤེལ་ལ་སྐུལ་འདེད་བྱེད་པ་གྲོས་གཞི་རུ་བཟུང་ནས།ནུབ་རྒྱུད་ས་ཁུལ་གྱི་གནམ་དཔྱད་ཚན་རྩལ་ཁྱབ་གདལ་ཁྱད་འཕགས་ཅན་བཞེངས་སྐྲུན་བྱེད་པ་དང་།རྒྱུད་གཅིག་ལམ་གཅིག་གི་དཔལ་འབྱོར་མགྱོགས་མྱུར་འཕེལ་རྒྱས་ལ་སྐུལ་འདེད་བཏང་ནས། མཚོ་ནུབ་ཀྱི་དཔལ་འབྱོར་འཕེལ་འགྱུར་ཐད་བྱས་རྗེས་འཇོག་པར་འབོད་སྐུལ་བྱས།དུས་ཡུན་ཉིན་གསུམ་རིང་གི་གྲོས་ཚོགས་ལས་གནམ་དཔྱད་རིག་པའི་ཡན་ལག་ཚན་ཞིབ་ཁྱབ་ཁོངས་ཀྱི་ཞིབ་འཇུག་གཙོར་བཟུང་ནས།ཚན་རིག་ཁྱབ་གདལ་གྱི་ཆེད་ཞུའི་སྙན་ཞུ་དང་ཆེད་དོན་འཆད་ཁྲིད་བྱས་པ་ལས་གཞན་ད་དུང་ཡན་ལག་ཚོགས་ར་རུ་སྙན་ཞུ་འབུལ་བའི་རྣམ་པ་བརྒྱུད་དེ་བགྲོ་གླེང་བྱས།  

   ཀྲུང་གོའི་གནམ་དཔྱད་སློབ་ཚོགས་ཀྱི་དྲུང་ཡིག་ཆེན་མོ་ཀྲིག་ཅིས་ལིན་གྱིས་བཤད་རྒྱུར།ཐེངས་འདིའི་ཀྲུང་གོའི་གནམ་དཔྱད་རིག་པའི་སློབ་ཚོགས2019ལོའི་རིག་གཞུང་ལོ་ཚོགས་འདི་མཛེས་སྡུག་གི་གཏེར་ལེན་ཁ་རུ་བསྡུས་པར་ང་ཚོར་མཚོ་སྔོན་དང་ལྷག་པར་དུ་མཚོ་ནུབ་ཁུལ་སྲིད་གཞུང་གིས་རྒྱབ་སྐྱོར་བླ་མེད་ཐོབ་ཡོད།འདི་ཡང་དེ་སྔོན་མཚོ་ནུབ་ཁུལ་ལ་ཙི་ཅིན་ཧྲན་གནམ་དཔྱད་ཁང་དུ་ཚད་ལེན་ས་ཚུགས་སྒྲིག་འཛུགས་མངགས་བཅོལ་བྱས་ཡོད་པ་ལྟར།ད་ལྟ་ལིན་ཧུའུ་རུ་ས་ཚུགས་བཙུགས་ཡོད་པ་རེད།འདི་ནི་ཀྲུང་གོའི་གནམ་དཔྱད་རིག་པར་མཚོན་ན་དགའ་འོས་པའི་དོན་དག་ཅིག་ཡིན་ལ།ང་ཚོའི་གནམ་དཔྱད་ལས་རིགས་ཀྱི་ཟུར་ཚད་ནས་བལྟས་ནའང་འདི་འདྲའི་ཐབས་ཇུས་ནི་དམངས་ཡོངས་ཀྱིས་གནམ་དཔྱད་ཀྱི་བྱེད་ལས་བསྒྲུབ་པའི་དམངས་ཕན་ལས་དོན་དངོས་འབེབས་བྱས་པ་ཞིག་ཡིན་ཕྱིར།ང་ཚོས་ཕྱོགས་ཡོངས་ནས་དམངས་ཡོངས་གནམ་དཔྱད་ལ་བརྩོན་པའི་གོ་རྟོགས་མཐོ་རུ་བཏང་ན།དུས་མཚུངས་སུ་རྒྱལ་ཁབ་ཀྱི་སྟོབས་ཤུགས་ཀྱང་མཐོ་རུ་འགྲོ་ངེས་ཟེར།

གོང་མ།:ཞིང་ཆེན་ཡོངས་ཀྱི་ས་ཁོངས་ལས་བརྒལ་བའི་དཔལ་འབྱོར་འཕེལ་རྒྱས་རྣམ་པར་བརྟེན་ནས་བོད་ཁུལ་གྱི་དབུལ་ཐར་མཁྲེགས་གཏོར་ལ་རོགས་སྐུལ་བྱེད་པའི་བཞུགས་མོལ་ཚོགས་འདུ་རང་ཁུལ་དུ་བསྡུས།

ཞོལ་མ།:མེང་ཧའེ་ཡིས་ཡུས་ཐུང་མ་རྐང་ཚོད་འཛིན་སྡེ་ཚོགས་ཀྱི་རྐང་འཛིན་དཔོན་ཀྲང་ཆན་ཀྲིག་དང་ཐུག་འཕྲད་གནང་།

分享到: 更多

པར་དབང་ཡོད་ཚད:མཚོ་ནུབ་ཁུལ་མི་རིགས་སྐད་ཡིག་ལས་དོན་ལྟེ་གནས། ཁ་པར: 0977- 8226091
ལག་རྩལ་སྲུང་སྐྱོང: མཚོ་ནུབ་ཁུལ་མི་དམངས་སྲིད་གཞུང་གློག་རྡུལ་སྲིད་དོན་ལྟེ་གནས། ཡིག་སྒམ: cdmzw2011@163.com
copyright@2007 www.haixi.gov.cn All Rights Reserved

ICP 05001235