མཚོ་ནུབ་ཁུལ་མི་དམངས་སྲིད་གཞུང་གིས་ཁྱེད་ལ་དགའ་བསུ་ཞུ། རྒྱ་ཡིག་པར་ངོས།  |  སོག་ཡིག་པར་ངོས།
 
གསར་འགྱུར་མེ་ལོང་།
 

མཚོ་ནུབ་ཁུལ་གྱི་པྲོག་དབྱིབས་ནད་དུག་གསར་པ་འགོས་པའི་གློ་ཚད་རིམས་ནད་སྔོན་འགོག་ཚོད་འཛིན་དང་ཐག་གཅོད་ལས་དོན་བཀོད་འདོམས་པུའི་བརྡ་ཁྱབ།(ཨང21པ )

ཡོང་ཁུངས།:  སྤེལ་དུས།:2020-11-20  རྩོམ་པ་པོ།:  རྩོམ་སྒྲིག་པ།:ཀལུ་རགཡལ་དོན་འགརུབ།    ཀློགས་གྲངས།:

མཚོ་ནུབ་ཁུལ་གྱི་པྲོག་དབྱིབས་ནད་དུག་གསར་པ་འགོས་པའི་གློ་ཚད་རིམས་ནད་སྔོན་འགོག་ཚོད་འཛིན་དང་ཐག་གཅོད་ལས་དོན་བཀོད་འདོམས་པུའི་བརྡ་ཁྱབ།

(ཨང21པ )

 ཉེ་དུས་རྒྱལ་ནང་གི་ས་ཆ་མང་པོས་ནང་འདྲེན་བྱས་པའི་འཁྱག་རིགས་བཟའ་བཅའི་ཕྱི་ཐུམ་སྟེང་སྔ་རྗེས་སུ་པྲོག་དབྱིབས་ནད་དུག་གསར་པ་ཡོད་པ་ཞིབ་བཤེར་བྱུང་བ་རེད། འཁྱག་རིགས་བཟའ་བཅའི་པྲོག་གསར་གློ་ཚད་རིམས་ནད་སྔོན་འགོག་ཚོད་འཛིན་ལ་ཤུགས་སྣོན་བརྒྱབ་ནས། མི་དམངས་མང་ཚོགས་ཀྱི་ཚེ་སྲོག་བདེ་འཇགས་དང་གཟུགས་གཞི་བདེ་ཐང་ཡོང་བར་འགན་སྲུང་ཏན་ཏིག་བྱ་ཆེད། ད་ལྟ་འབྲེལ་ཡོད་དོན་དག་བརྡ་ཁྱབ་བཏང་བ་གཤམ་གསལ་ལྟར།

གཅིག མཚོ་ནུབ་ཁུལ་གྱི་མངའ་ཁོངས་ཕྱི་རོལ་ནས་འཁྱག་ཟས་རིགས་ནང་འདྲེན་བྱེད་པའི་སྡེ་ཚན(ཚོང་གཉེར་དང་། ཟ་ཁང་། ཐོན་སྐྱེད་ལས་སྣོན། གསོག་ཉར་སྐྱེལ་འདྲེན་བཅས་ཀྱི་ཁེ་ལས་དང་སྒེར་གཉེར་བཟོ་ཚོང་དུད་ཚང་ཚུད་པ)ཡིན་ཕྱིན།  ཚོང་ཟོག་མཁོ་འདོན་བྱེད་མཁན་གྱི་ལག་ནས་འཛིན་ཡིག་ལེན་པ་དང་ཚོང་ཟོག་དབོར་འདྲེན་བྱས་པའི་ཟིན་ཐོར་ཞིབ་བཤེར་བྱ་དགོས།དུག་སེལ་དཔང་ཡིགདང་།ནད་ཡམས་ཞིབ་བཤེར་ཚད་ལོན་དཔང་ཡིག》《པྲོག་གསར་ནད་དུག་ཉིང་སྐྱུར་ཞིབ་དཔྱད་ཚད་ལོན་དཔང་ཡིགབཅས་མེད་པ་དང་།  ཡོང་ཁུངས་མི་གསལ་བའི་ནང་འདྲེན་འཁྱག་ཟས་རིགས་ཚང་མ་ཉོ་སྒྲུབ་དང་ཕྱིར་འཚོང་བྱས་མི་ཆོག  གཉེར་སྐྱོང་བྱེད་པོས་ངེས་པར་དུ་བཟའ་བཅའ་ཉོས་ནས་ཁུལ་ཁོངས་སུ་མ་སླེབས་གོང་གི་ཆུ་ཚོད24ནང་ཚུན་དུ་ས་གནས་དེ་གའི་ཁྲོམ་རའི་ལྟ་སྐུལ་དོ་དམ་སྡེ་ཚན་ལ་སྙན་སེང་ཐོ་འགོད་ཞུ་དགོས།
   
གཉིས། ཁུལ་ཁོངས་ཕྱི་རོལ་ནས་ནང་འདྲེན་བྱས་པའི་འཁྱག་ཟས་རིགས་ཉོས་པ་དང་དེ་བཞིན་ནང་འདྲེན་འཁྱག་ཟས་རིགས་སྐྱེལ་འདྲེན་དང་། གསོག་ཉར། ལས་སྣོན་དང་ཐུམ་རྒྱག། གཉེར་སྐྱོང་ཕྱིར་འཚོང་། བཟའ་བཏུང་ལས་རིགས་བཅས་བྱེད་པའི་སྡེ་ཚན་གྱིས་ངེས་པར་དུ་ཟས་རིགས་མཛོད་འཇུག་(སྒྲོམ་)དོ་དམ་ནན་མོ་བྱས་ནས། ཚོང་ཟོག་ཕྱིར་གཏོང་ནང་འདྲེན་གྱི་རྩིས་ཐོ་དང་ལས་གཉེར་མི་སྣའི་དངོས་མིང་ལམ་ལུགས་ཀྱི་དོ་དམ་རྩིས་ཐོ་བཟོས་ཏེ།   ས་གནས་དེ་གའི་ཁྲོམ་རའི་ལྟ་སྐུལ་དོ་དམ་སོགས་སྡེ་ཚན་གྱི་ལྟ་སྐུལ་མཛུབ་ཁྲིད་རང་འགུལ་ངང་དང་ལེན་བྱ་དགོས་ལ།བརྒྱུད་འདྲེན་ས་ཁོངས་དང་།  སྐྱེལ་འདྲེན་ཡོ་བྱད། དངོས་ཟོག་ཐུམ་རྒྱག་བཅས་དང་སྤྱོད་ཆས་གཞན་དག་རིགས་ཀྱི་གཙང་སྦྲའི་དུག་སེལ་ལེགས་པོར་བྱ་དགོས།ལས་ཞུགས་མི་སྣའི་སྔོན་འགོག་ཚོད་འཛིན་བྱེད་ཐབས་དོན་འཁྱོལ་བྱས་ནས་ཟས་རིགས་དང་། ཁོར་ཡུག མི་སྣ་བཅས་ཀྱི་ཉིང་སྐྱུར་ཞིབ་དཔྱད་ཚད་ལེན་བྱེད་པར་རང་འགུལ་གྱིས་གཞོགས་འདེགས་བྱ་དགོས། གཉེར་སྐྱོང་ཕྱིར་འཚོང་གི་གཏན་ཁེལ་གནས་སུ་ཕྱིར་འཚོང་བྱེད་པ་དང་དངོས་མིང་ཐོ་འགོད་བྱས་ནས་ཉོ་སྒྲུབ་བྱེད་པ་ལག་བསྟར་བྱ་དགོས་ཤིང་། ཟས་རིགས་གཞན་དག་དང་བསྲེས་ཚོང་བྱས་མི་ཆོག་ལ། བརྒྱུད་རིམ་ཧྲིལ་པོར་ཕུགས་འདེད་ཐུབ་པའི་འགན་ལེན་ཏན་ཏིག་བྱ་དགོས།
   
 གསུམ། རྒྱ་ཆེའི་མང་ཚོགས་ཀྱིས་རིམས་ནད་བྱུང་ཚུལ་ལ་དུས་དང་རྣམ་པ་ཀུན་ཏུ་དོགས་ཟོན་ཆེན་པོ་བྱས་ནས། དྲ་ཐོག་ནས་འཁྱག་ཟས་རིགས་མི་ཉོ་བ་དང་། ཡོང་ཁུངས་མི་གསལ་བའི་འཁྱག་ཟས་རིགས་ཉོ་མི་རུང་། གལ་ཏེ་དགོས་མཁོ་ཡོད་ཚེ་དྲ་ཐོག་མིན་པའི་ཚད་ལྡན་རང་འདེམ་ཚོང་ཁང་ངམ་ཡང་ན་ཁྲོམ་ར་ནས་ཉོ་སྒྲུབ་བྱ་དགོས།ཐོན་ཡུལ་དང་། ནད་ཡམས་ཞིབ་བཤེར་ཚད་ལོན་དཔང་ཡིག སྤུས་ཚད་འགན་ལེན་དུས་ཡུན་སོགས་ཀྱི་ཆ་འཕྲིན་གཙོ་གནད་དུ་བཟུང་ནས་དོ་ཁུར་བྱེད་པ་མ་ཟད། ཉོ་སྒྲུབ་ཀྱི་འཛིན་ཤོག་ལེན་དགོས།

བཞི། རྒྱ་ཆེའི་མང་ཚོགས་ཀྱིས་འཁྱག་ཟས་རིགས་ཉོ་སྐབས་ཁ་བཏུམ་དང་ལག་ཤུབས་གྱོན་དགོས།ལག་ཤུབས་མེད་པར་རེག་རྒྱུར་སྔོན་འགོག་བྱ་དགོས། དངོས་པོ་ཉོས་རྗེས་ལག་པ་གཉིས་ཀྱིས་ཁ་དང་། སྣ། མིག་སོགས་ལ་མི་ཐུག་པ་དང་། དུས་ཐོག་ཏུ་ལག་པ་བཀྲུ་དགོས། གལ་ཏེ་ཚ་བ་རྒྱས་པ་སོགས་ཀྱི་ནད་རྟགས་བྱུང་ན། རང་ཉིད་འགོག་སྲུང་ལེགས་པོ་བྱེད་པའི་སྔོན་འགྲོའི་ཆ་རྐྱེན་འོག དུས་ཐོག་ཏུ་ཐག་ཉེ་ས་ནས་ཚ་རྒྱས་སྒོ་བསྟེན་སྨན་ཁང་དུ་སྨན་བཅོས་བྱེད་པ་དང་འབྲེལ་བཟའ་བྱའི་རྒྱུ་ཆའི་ཡོང་ཁུངས་དང་། སྣ་རིགས། བཟའ་བྱའི་དུས་ཚོད་སོགས་ཀྱི་ཆ་འཕྲིན་རང་འགུལ་ངང་ཤོད་དགོས།
   

མཚོ་ནུབ་ཀྲོའུ་ཡི་ཏོག་དབྱིབས་ནད་དུག་འགོས་པའི་གློ་ཚད་རིམས་ནད་སྔོན་འགོག་ཚོད་འཛིན་དང་ཐག་གཅོད་ལས་དོན་བཀོད་འདོམས་པུའུ།
                                                                                                       2020
ལོའི་ཟླ11ཚེས18ཉིན།



ཞོལ་མ།:མཚོ་སྔོན་སྐྱེ་ཁམས་ཐོན་ལས་འགྲེམས་ཚོགས་དང་བོད་ལུགས་ས་གདན་འགྲེམས་སྟོན་གྱི་བྱ་འགུལ་འགོ་རྩོམ་མཛད་སྒོ་དེ་མཚོ་སྔོན་རྒྱལ་སྤྱིའི་འགྲེམས་སྟོན་ལྟེ་གནས་ནས་བསྡུས།

分享到: 更多

པར་དབང་ཡོད་ཚད:མཚོ་ནུབ་ཁུལ་མི་རིགས་སྐད་ཡིག་ལས་དོན་ལྟེ་གནས། ཁ་པར: 0977- 8226091
ལག་རྩལ་སྲུང་སྐྱོང: མཚོ་ནུབ་ཁུལ་མི་དམངས་སྲིད་གཞུང་གློག་རྡུལ་སྲིད་དོན་ལྟེ་གནས། ཡིག་སྒམ: cdmzw2011@163.com
copyright@2007 www.haixi.gov.cn All Rights Reserved

ICP 05001235