མཚོ་ནུབ་ཁུལ་མི་དམངས་སྲིད་གཞུང་གིས་ཁྱེད་ལ་དགའ་བསུ་ཞུ། རྒྱ་ཡིག་པར་ངོས།  |  སོག་ཡིག་པར་ངོས།
 
སྲིད་ཇུས་ཁྲིམས་སྲོལ།
 

དཔལ་འབྱོར་ཁ་གསབ་དངུལ་ཁྱོ་ཤུག་སྤྱིའི་རྒྱུ་ནོར་དུ་གཏོགས་སམ།

ཡོང་ཁུངས།:ཁུལ་མི་རིགས་སྐད་ཡིག་གཞུང་སྒྲུབ  སྤེལ་དུས།:2014-07-02  རྩོམ་པ་པོ།:  རྩོམ་སྒྲིག་པ།:    ཀློགས་གྲངས།:

[གྱོད་དོན།]

ངའི་གྲོགས་པོ་ཚེ་ཐར་དང་ཁོའི་ཆུང་མ་གཉིས་ནི1986ལོར་རང་དབང་སྒོས་གཉེན་སྒྲིག་ཐོ་འགོད་བྱས་པར་མ་ཟད།ལོ་དེར་ཕ་ཡུལ་གྱི་གོམས་སྲོལ་ལྟར་གཉེན་སྟོན་གྱི་ཆོ་གའང་རྒྱ་ཆེར་སྤེལ།ཡིན་ནཡང་འཇིག་རྟེན་གྱི་དོན་དག་ནི་དངོས་གནས་ང་ཚོས་བློས་དཔོག་དཀའ་བ་ཞིག་རེད།ཁོ་ཚོ་ཁྱོ་ཤུག་བྱས་ཏེ་མཉམ་གཅིག་ཏུ་འཚོ་བ་རོལ་ནས་ལོ་ངོ་ཉི་ཤུ་ཙམ་འདས་སོང་མོད།འོན་ཀྱང་ན་ནིང་སྟེ2007ལོར་རྒྱུ་རྐྱེན་ལ་ལ་ཞིག་གི་དབང་གིས་ཁོ་གཉིས་ཀྱི་མི་དམངས་ཁྲིམས་ཁང་ལ་གཉེན་འཐོར་བྱེད་པའི་རེ་བ་བཏོན་ཞིང་།རྗེས་སུ་མི་དམངས་ཁྲིམས་ཁང་གིས་ཁོ་གཉིས་གཉེན་འཐོར་བྱེད་པར་གཏན་ཁེལ་བྱས་ཀྱང་།སྐབས་དེར་རྒྱུ་ནོར་བགོ་བཤའ་བྱེད་པའི་ཐད་ལ་ཐག་བཅད་ཅི་ཡང་མ་བྱས།གཉེན་སྒྲིག་གི་འབྲེལ་བ་ཡོད་དུས་ཁོ་ཁྱོ་ཤུག་གཉིས་ལ་ཚོང་ཁང་ཞིག་དང་རླངས་འཁོར་གཅིག་ཡོད།2004ལོར་ཚེ་ཐར་དང་ཁོ་ཡོད་སའི་ལས་ཁུངས་གཉིས་ཀྱིས་ངལ་རྩོལ་འབྲེལ་བ་མེད་པར་བཟོས་ཤིང་།ལས་ཁུངས་ཀྱིས་ཚེ་ཐར་ལ་ཐེངས་གཅིག་གིས་དཔལ་འབྱོར་ཁ་གསབ་དངུལ་དང་དཔལ་འབྱོར་རོགས་སྐྱོར་དངུལ་བསྡོམས་པས་སྒོར་ཁྲི5བྱིན།ད་ལྟ་ཚེ་ཐར་གྱི་ཆུང་མས་སྒོར་ཁྲི་5དེ་སྤྱིའི་རྒྱུ་ནོར་དུ་བརྩིས་ནས་བགོ་བཤའ་བྱ་དགོས་པའི་རེ་བ་བཏོན།དེ་བས་དཔལ་འབྱོར་ཁ་གསབ་དངུལ་དེ་ཁྱོ་ཤུག་སྤྱིའི་རྒྱུ་ནོར་ཡིན་མིན་ཐད་དྲང་བདེན་གྱི་ལན་ཞིག་འདེབས་པར་འཚལ།

[གྱོད་དོན་དབྱེ་ཞིབ]

ཐེངས་གཅིག་ལ་བྱིན་པའི་དཔལ་འབྱོར་ཁ་གསབ་དངུལ་དེ་ཁྱོ་ཤུག་སྤྱིའི་རྒྱུ་ནོར་ཡིན་མིན་ལ་རོགས་དངུལ་དེའི་ངོ་བོ་རྒྱུས་ལོན་ཡང་དག་བྱས་ཚེ།གནད་དོན་ཡང་མངོན་གསལ་དུ་འགྱུར་ངེས་ཡིན།དཔལ་འབྱོར་ཁ་གསབ་དངུལ་ནི་དོན་དངོས་སུ་ལས་ཤོར་ཁ་གསབ་དངུལ་གྱི་རིགས་ཤིག་རེད་ལ།དེ་ནི་མི་བཀོལ་ལས་ཁུངས་ཀྱིས་ངལ་རྩོལ་པས་བཞག་པའི་བྱས་རྗེས་དང་ངལ་རྩོལ་པ་ལས་ཤོར་བྱུང་རྗེས་འཚོ་གནས་ལ་ཁག་ཐེག་བྱེད་ཆད་བྱིན་པའི་ཁ་གསབ་དངུལ་ཞིག་རེད།འདི་ནི་ངལ་རྩོལ་པས་མི་བཀོལ་ལས་ཁུངས་དང་ངལ་རྩོལ་འབྲེལ་བ་མེད་པར་བཟོས་པ་ལས་ཐོབ་པའི་ཁ་གསབ་དངུལ་ཡིན་པས་ཡང་བསྐྱར་བྱ་བ་བཙལ་ཐུབ་མིན་གྱི་ཉེན་ཁ་ཧ་ཅང་ཆེ།འདི་ལྟ་བུའི་ཁ་གསབ་དངུལ་དང་ངལ་རྩོལ་པའི་རྒྱུན་ལྡན་གྱི་གླ་ཕོགས་སམ་བྱ་དགའ་སོགས་ཀྱི་ངལ་རྩོལ་གླ་ཡོན་གཉིས་ཀར་ངོ་བོའི་སྟེང་ནས་ཁྱད་པར་ཡོད།ངལ་རྩོལ་པའི་ཐད་ནས་བཤད་ན།དཔལ་འབྱོར་ཁ་གསབ་དངུལ་ནི་ངལ་རྩོལ་པས་དུས་ཡུན་རིང་བོའི་གཏན་འཇགས་ཀྱི་ངལ་རྩོལ་གླ་ཡོན་བློས་བཏང་སྟེ་ཐོབ་པ་ཞིག་ཡིན།དུས་མཚུངས་སུ་འགྲན་རྩོད་ཧ་ཅང་ཆེ་བའི་དེང་གི་སྤྱི་ཚོགས་འདིར་ངལ་རྩོལ་བྱ་བ་མེད་སོང་ཚེ་འཚོ་གནས་ལ་ཉེན་ཁ་བྱུང་བ་དང་མཚུངས།དེ་བས་དཔལ་འབྱོར་ཁ་གསབ་དངུལ་དེ་ཁྱོ་ཤུག་སྤྱིའི་རྒྱུ་ནོར་དུ་བརྩིས་ཏེ་བགོ་བཤའ་རྒྱག་མི་རུང་བར།ཁྱོ་ཤུག་གང་རུང་གི་མི་སྒེར་གྱི་རྒྱུ་ནོར་དུ་བརྩི་དགོས།《ཆེས་མཐོ་མི་དམངས་ཁྲིམས་ཁང་གིས(གཉེན་སྒྲིག་བཅའ་ཁྲིམས)བཀོལ་སྤྱོད་བྱེད་པའི་གནད་དོན་འགའི་འགྲེལ་བཤད》དོན་ཚན11པ་དང《གཉེན་སྒྲིག་བཅའ་ཁྲིམས》ཀྱི་དོན་ཚན17པའི་ནང་དུ།“གཞན་པའི་སྤྱི་ལ་དབང་བའི་རྒྱུ་ནོར་ཁྲོད་དུ་དཔལ་འབྱོལ་ཁ་གསབ་དངུལ་མི་འདུ”ཞེས་གཏན་ཁེལ་བྱས་ཡོད།དེའི་རྐྱེན་གྱིས་དཔལ་འབྱོར་ཁ་གསབ་དངུལ་མི་སྒེར་གྱི་རྒྱུ་ནོར་དུ་གཏོགས། །

གོང་མ།:ནུས་མེད་གཉེན་སྒྲིག་ཁྲོད་ཀྱི་རྒྱུ་ནོར་ཇི་ལྟར་ཐག་གཅོད་བྱ་དགོས།

ཞོལ་མ།:ཆད་ཡིག་སྟེང་རང་ཉིད་ཀྱི་མིང་འགོད་དུས་ཇི་ལྟར་མཉམ་འཇོག་བྱ་དགོས།

分享到: 更多

པར་དབང་ཡོད་ཚད:མཚོ་ནུབ་ཁུལ་མི་རིགས་སྐད་ཡིག་ལས་དོན་ལྟེ་གནས། ཁ་པར: 0977- 8226091
ལག་རྩལ་སྲུང་སྐྱོང: མཚོ་ནུབ་ཁུལ་མི་དམངས་སྲིད་གཞུང་གློག་རྡུལ་སྲིད་དོན་ལྟེ་གནས། ཡིག་སྒམ: cdmzw2011@163.com
copyright@2007 www.haixi.gov.cn All Rights Reserved

ICP 05001235