མཚོ་ནུབ་ཁུལ་མི་དམངས་སྲིད་གཞུང་གིས་ཁྱེད་ལ་དགའ་བསུ་ཞུ། རྒྱ་ཡིག་པར་ངོས།  |  སོག་ཡིག་པར་ངོས།
 
སྲིད་ཇུས་ཁྲིམས་སྲོལ།
 

བྱ་བའི་དུས་ཚོད་རིང་དུ་གཏོང་བར་ངལ་རྩོལ་བཅའ་ཁྲིམས་ཀྱིས་ཇི་ལྟར་ཐག་བཅད་ཡོད་པ།

ཡོང་ཁུངས།:ཁུལ་མི་རིགས་སྐད་ཡིག་གཞུང་སྒྲུབ  སྤེལ་དུས།:2015-04-27  རྩོམ་པ་པོ།:  རྩོམ་སྒྲིག་པ།:    ཀློགས་གྲངས།:

ཡོང་ཁུངས། : ཁྲིམས་ལུགས་ཚགས་པར་ཁང་། རྩོམ་སྒྲིག་པ། : ཡུལ་ལྷ་ཐར།

ཐོན་གཉེར་གྱི་དགོས་མཁོ་ལྡན་པའི་ལས་ཁུངས་དག་གིས་བཟོ་ཚོགས་དང་ངལ་རྩོལ་བ་ལ་གྲོས་མོལ་བྱས་རྗེས་ལས་ཀའི་དུས་ཡུན་རིང་དུ་གཏང་ཆོག འོན་ཀྱང་ཉིན་རེར་དུས་ཚོད་གཅིག་ལས་བརྒལ་མི་ཆོག གལ་ཏེ་དམིགས་བསལ་གྱི་གནས་ཚུལ་དང་འཕྲད་ཚེ་ངལ་རྩོལ་བའི་ལུས་ཕུང་གི་བདེ་ཐང་ལ་འགན་སྲུང་བྱས་ཏེ་ལས་ཀའི་དུས་ཚོད་རིང་དུ་གཏང་ཆོག འོན་ཀྱང་ཉིན་རེར་དུས་ཚོད་གསུམ་ལས་བརྒལ་མི་རུང་བ་དང་། ཟླ་རེར་དུས་ཚོད་སོ་དྲུག་ལས་བརྒལ་མི་ཆོག

ལས་ཀའི་དུས་ཡུན་ལ་ཚོད་འཛིན་པའི་རིགས་ནི་གཤམ་གསལ་གྱི་འདི་དག་ཡིན་ཏེ།

1.རང་བྱུང་གནོད་འཚེ་བྱུང་བ་དང་། དོན་རྐྱེན་ནམ་རྒྱུ་རྐྱེན་གཞན་གྱིས་ངལ་རྩོལ་བའི་ཚེ་སྲོག་དང་རྒྱུ་ནོར་གྱི་བདེ་འཇགས་ལ་གནོད་བསྐྱལ་བ་མགྱོགས་མྱུར་ངང་ཐག་གཅོད་དགོས་པ།

2.ཐོན་སྐྱེད་སྒྲིག་ཆས་དང་འགྲིམ་འགྲུལ་ལམ་ཐིག སྤྱིའི་སྒྲིག་བཀོད་ཀྱི་ཆག་སྐྱོན་བཅས་ཐོན་སྐྱེད་དང་སྤྱིའི་ཁེ་ཕན་ལ་གནོད་པ་དག་ངེས་པར་ཏུ་མགྱོགས་མྱུར་ངང་ཞིག་གསོ་བྱ་དགོས་པ།

3.ཁྲིམས་ལུགས་དང་དང་སྲིད་འཛིན་སྒྲིག་ཁྲིམས་ཀྱིས་གཏན་ཁེལ་བྱས་པའི་གནས་ཚུལ་གཞན་དག་གོ།

ངལ་རྩོལ་དུས་ཡུན་དུས་རྒྱུན་གྱི་ངལ་རྩོལ་དུས་ཡུན་ལས་རིང་བ་ལ་སྟེར་བྱའི་གླ་ཆའི་ཚད་གཞི་ནི་གཤམ་གསལ་ལྟར་ཡིན་ཏེ།

1.ངལ་རྩོལ་བའི་ལས་ཀའི་དུས་ཡུན་རིང་དུ་བཀོད་སྒྲིག་བྱས་ན།ཟླ་ཕོགས་ཀྱི་བརྒྱ་ཆའི་བརྒྱ་དང་ལྔ་བཅུ་ལས་མི་དམའ་བའི་གླ་ཆ་སྤྲོད་དགོས།

2.ངལ་གསོའི་ཉིན་དེར་ངལ་རྩོལ་བའི་ལས་ཀ་ལས་ཀྱང་ངལ་གསོའི་ཁ་གསབ་བྱ་མ་ཐུབ་ན། ཟླ་ཕོགས་ཀྱི་བརྒྱ་ཆའི་ཉིས་བརྒྱ་ལས་མི་དམའ་བའི་གླ་ཆ་སྤྲོད་དགོས།

3.ཁྲིམས་ཀྱིས་གཏན་ཁེལ་ལྟར་ངལ་གསོའི་ཉིན་ངལ་རྩོལ་བར་ལས་ཀ་བཀོད་སྒྲིག་བྱས་ན། ཟླ་ཕོགས་ཀྱི་བརྒྱ་ཆའི་སུམ་བརྒྱ་ལས་མི་དམའ་བའི་གླ་ཆ་སྤྲོད་དགོས།

གོང་མ།:ས་ཞིང་སྟེང་འཛུགས་སྐྲུན་བྱས་ཚེ་ཆད་པ་ཇི་ལྟར་གཅོད་དགོས་པ།

ཞོལ་མ།:རྩྭ་ཐང་གི་བཅའ་ཁྲིམས་ཁྲིམས་སྲོལ་ཤེས་བྱ།

分享到: 更多

པར་དབང་ཡོད་ཚད:མཚོ་ནུབ་ཁུལ་མི་དམངས་སྲིད་གཞུང་མི་རིགས་སྐད་ཡིག་གཞུང་སྒྲུབ་ཁང་། ཁ་པར: 0977- 8226091
ལག་རྩལ་སྲུང་སྐྱོང: མཚོ་ནུབ་ཁུལ་མི་དམངས་སྲིད་གཞུང་གློག་རྡུལ་སྲིད་དོན་ལག་རྩལ་ལྟེ་གནས། ཡིག་སྒམ: cdmzw2011@163.com
copyright@2007 www.haixi.gov.cn All Rights Reserved

ICP 05001235