ཡོང་ཁུངས།：མཚོ་སྔོན་བོད་སྐད་རླུང་འཕྲིན། སྤེལ་དུས།：2015-11-09 རྩོམ་པ་པོ།：ཚེ་མཁར་རྒྱལ། རྩོམ་སྒྲིག་པ།：完么仁增 ཀློགས་གྲངས།：
རྒྱལ་ཡོངས་སྲིད་གྲོས་སྐབས་བཅུ་གཉིས་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅུ་གསུམ་པས་ཚེས་བདུན་ཉིན་གྱི་སྔ་དྲོར་ཚང་འཛོམས་གྲོས་ཚོགས་བསྡུས་ཏེ། རྒྱུན་ལས་ཨུ་ཡོན་བཅུ་བཞིས་ཀྲུང་གོ་གུང་ཁྲན་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་ལག་ལེན་མཐར་ཕྱིན་བྱེད་པར་དམིགས་ནས་ཚོགས་ཆེན་སྟེང་གཏམ་བཤད། ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཡུས་ཀྲིན་ཧྲིན་གྲོས་ཚོགས་སུ་ཞུགས།
རྒྱུན་ལས་ཨུ་ཡོན་རྣམས་ཀྱིས་གཏམ་བཤད་སྐབས་ཀྲུང་གོ་གུང་ཁྲན་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་བའི་སྟེང་གྲོས་འཆམ་བྱུང་བའི་ཀྲུང་གུང་ཀྲུང་དབྱང་གི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གསུམ་པ་གཏན་འབེབས་བྱེད་པའི་སྐོར་གྱི་གྲོས་གཞི་དང་སྤྱི་ཁྱབ་ཧྲུའུ་ཅི་ཞི་ཅིན་ཕེན་གྱིས་ཚང་འཛོམས་གྲོས་ཚོགས་སྟེང་གནང་བའི་གསུང་བཤད་གལ་ཆེན་གྱི་དགོངས་དོན་ལ་གཅིག་གྱུར་སྒོས་གོང་བཀུར་བྱེད་པའི་ཚུལ་བསྟན།
རྒྱུན་ལས་ཨུ་ཡོན་ཀྲུའུ་ཀྲི་ཞིན་གྱིས་གསར་སྐྲུན་བྱེད་རྒྱུ་གཙོ་བོར་བཟུང་སྟེ། གསར་སྐྲུན་ལ་སྐུལ་མ་གཏོང་བའི་ལམ་ལུགས་དང་ཁོར་ཡུག་ཆགས་པར་བྱེད་པ་དང་། ཁེ་ལས་ཀྱི་གསར་སྐྲུན་འཕེལ་རྒྱས་ཁྲོད་ཀྱི་ནུས་པ་འདོན་སྤེལ་བྱས་ནས། གསར་སྐྲུན་ཅན་གྱི་ཤེས་ལྡན་མི་སྣའི་དཔུང་སྡེ་འཛུགས་སྐྲུན་བྱེད་པར་མྱུར་དུ་སྐུལ་འདེད་གཏོང་དགོས་པའི་གྲོས་གཞི་བཏོན། རྒྱུན་ལས་ཨུ་ཡོན་ཐེན་ཧོས་ཀོང་གིས་ཀྲུང་གོ་གོ་མེན་ཏང་གསར་བརྗེ་ཨུ་ཡོན་ལྷན་ཁང་ཀྲུང་དབྱང་གི་ཚབ་བྱས་ཏེ་གཏམ་བཤད། ཁོས་རྒྱུད་གཅིག་ལམ་གཅིག་འཛུགས་སྐྲུན་གྱི་དངུལ་ལོར་འགན་སྲུང་ནུས་པ་ཇེ་ཆེར་གཏོང་བ་དང་། འབྲེལ་ཡོད་སྲིད་གཞུང་གི་ཞབས་ཞུའི་མ་ལག་ཇེ་ལེགས་སུ་གཏོང་བའི་ཐད་ལ་གྲོས་གཞི་བཏོན། རྒྱུན་ལས་ཨུ་ཡོན་ཀྲུའུ་ཡུན་ཞིན་གྱིས་དམངས་གཙོ་ཡར་སྐུལ་ལྷན་ཚོགས་ཀྲུང་དབྱང་གི་ཚབ་བྱས་ཏེ་གཏམ་བཤད་སྐབས་བདེ་འཇགས་འཕེལ་རྒྱས་ཀྱི་འདུ་ཤེས་ཇེ་དྲག་ཏུ་བཏང་ནས། ལོ་ལྔའི་འཆར་གཞི་བཅུ་གསུམ་པའི་སྐབས་ཀྱི་བཟང་ཞིང་མགྱོགས་པའི་འཕེལ་རྒྱས་ལ་ཁག་ཐེག་བྱེད་དགོས་ཞེས་བསྟན། རྒྱུན་ལས་ཨུ་ཡོན་ཞུའུ་དབྱི་ཐེན་གྱིས་བཤད་རྒྱུར། རིག་གནས་འཛུགས་སྐྲུན་གསར་སྐྲུན་བྱེད་པར་ཤུགས་སྣོན་པ་དང་། སྤྱི་ཚོགས་རིང་ལུགས་ཀྱི་སྲོག་ཤིང་རིན་ཐང་ལྟ་བའི་དྲིལ་སྒྲོག་སློབ་གསོ་ལ་ཤུགས་བསྣན་ཏེ། སྲོལ་རྒྱུན་རིག་གནས་ཁྲོད་ཉིང་བཅུད་བསྡུ་ལེན་བྱེད་དགོས་ཟེར།
རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་མཱ་ཕེ་ཧྭ་ཡིས་གྲོས་ཚོགས་ལ་མགོ་འཛིན་བྱས། །